នៅព្រឹកថ្ងៃព្រហស្បតិ៍ ៨ រោច ខែពិសាខ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៤ ខែឧសភា ឆ្នាំ២០២០
លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បានចុះត្រួតពិនិត្យ និងផ្សព្វផ្សាយសេចក្តីណែនាំរបស់ឯកឧត្ដម នាយឧត្ដមសេនីយ៍ អគ្គស្នងការនគរបាលជាតិដល់គោលដៅដែលកងកម្លាំងនគរបាលអនុវត្តច្បាប់ចរាចរណ៍ផ្លូវគោកចំនួនបួនគោលដៅ និង អធិការដ្ឋាននគរបាលចំនួនបួនស្រុករួមមាន ស្រុកបាទី ស្រុកសំរោង ស្រុកព្រៃកប្បាស និងស្រុកអង្គរបូរី នៃស្នងការដ្ឋានខេត្តតាកែវ ។
ដេីម្បីធ្វើជាគំរូគេក្នុងការគោរព និងការអនុវត្តរឹតបន្តឹងច្បាប់ចរាចរណ៍ផ្លូវគោកពេលជិះម៉ូតូត្រូវពាក់មួកសុវត្ថិភាព ហាមនិយាយទូរស័ព្ទ ម៉ូតូត្រូវមានស្លាកលេខ មានកញ្ចក់មេីលក្រោយ បេីកឡានត្រូវពាក់ខ្សែក្រវាត់ជាដេីម ជៀសវាងការអនុវត្តខុសពីសេចក្ដីណែនាំ ក៏ដូចជាច្បាប់ចរាចរណ៍ផ្លូវគោក។
