នារីម្នាក់បានជិះម៉ូតូជូនមិត្តភ័ក្តទៅកំពត ត្រូវរថយន្តយីឌុបបុកកិនស្លាប់ និងមិត្តភ័ក្តរបួសបាក់ដៃ នៅជិតដល់រូបសំណាកលោកយាយម៉ៅ ផ្លូវជាតិលេខ៤១ ចំណែកតៃកុងឡានរត់បាត់។
ករណីគ្រោះថ្នាក់ចរាចរណ៍ដ៏រន្ធត់នេះបង្ករឡើង ដោយរថយន្តយីឌុបកង់១០ ម៉ាកFUSO ស្លាកលេខចង្កូតស្ដាំPP-1982 បុកម៉ូតូ Nex ជិះឌុបគ្នា២នាក់ បណ្ដាលឲ្យកិនបែកក្បាលស្លាប់យ៉ាងអាណោចអាធ័ម ចំណែកមិត្តភ័ក្តរងរបួសបាក់ដៃម្ខាង ចំណែកឯតៃកុងរថយន្តបង្ក បានចុះគេចខ្លួនបាត់ នៅតាមផ្លូវជាតិលេខ៤១ ត្រង់ចំណុចជិតដល់រូបសំណាកលោកយាយម៉ៅ ខណៈពេលកំពុងជិះម៉ូតូឌុបគ្នាធ្វេីដំណេីរទៅខេត្តកំពត។
ជនរងគ្រោះមានឈ្មោះ ពិន ស្រីព្រេជ អាយុ២០ឆ្នាំ ស្លាប់បាត់បង់ជីវិតនៅកន្លែងកើតហេតុ ជាមួយមិត្តភ័ក្តប្រុសស្រី៥នាក់ទៀត ជិះម៉ូតូ៣គ្រឿង កាលពីម៉ោងជិត១០យប់ថ្ងៃទី១៦ ខែឧសភា ឆ្នាំ២០២០ ធ្វេីអោយមិត្តភ័ក្តបងប្អូនសាច់ញាតិជិតឆ្ងាយ មានការសោកស្ដាយយ៉ាងខ្លាំង ស្ទេីតែមិនគួរអោយជឿថា បែរជាស្លាប់ទាំងវ័យក្មេងយ៉ាងនេះទៅវិញ ។
សូមបញ្ជាក់ថា លេីរថយន្តបានបន្សល់ប័ណ្ណបើកបរប្រភេទ(ខ-B) និងអត្តសញ្ញាណប័ណ្ណ មានឈ្មោះ ឡេង ហែម ដូចគ្នាដែលភ្ជាប់ជូនក្នុងរូបខាងលេី សង្ឃឹមថា សមត្ថកិច្ចតាមចាប់ជនបង្កមកផ្ដន្ទាទោសតាមច្បាប់ឆាប់ៗនេះ។
ក្រោយពេលកេីតហេតុ សពរបស់យុវតីរងគ្រោះ កំពុងត្រូវបានក្រុមគ្រួសារ ដឹកយកមកចាត់ចែងតម្កល់ធ្វេីបុណ្យតាមប្រពៃណី នៅផ្ទះរបស់នាងផ្ទាល់តែម្ដង ស្ថិតនៅជិតវត្តចាស់ ខណ្ឌជ្រោយចង្វារ រាជធានីភ្នំពេញ។@ ជា អេងឡុង @
