ក្រុងតាខ្មៅ : កាលពីព្រឹកថ្ងៃទី 20 ខែមិថុនាឆ្នាំ 2020 នៅវេលាម៉ោង 6 30 នាទីព្រឹក ត្រង់ចំណុច ភូមិព្រែករាំង1 សង្កាត់កំពង់សំណាញ់ ក្រុងតាខ្មៅ ខេត្តកណ្ដាល មានករណីអគ្គីភ័យបានឆាប់ឆេះផ្ទះមួយខ្នងរបស់បងប្អូនប្រជាពលរដ្ឋបណ្ដាលឱ្យឆេះខូចខាតទ្រព្យសម្បត្តិនិងសម្ភារៈជាច្រើនស្ទើរតែទាំងស្រុង។
តាមប្រភពពីម្ចាស់ផ្ទះដែលមានឈ្មោះ ឆាយ លាភអាយុ67ឆ្នាំដែលមានមុខរបរជាអ្នកលក់ដូរបានឲ្យដឹងពីមូលហេតុដំបូងនៃអគ្គិភ័យនេះថាដំបូងគឺម្ចាស់ផ្ទះបានងើបពីដំណេកដូចសព្វដងដើម្បីរៀបចំអីវ៉ាន់លក់ពេលនោះមានភ្លើងឆាប់ឆេះចេញពីកន្លែងដាក់ហ្គាសនិងសាំងដបប៊ីដុងឃើញដូច្នេះគាត់ក៏បានផ្ដល់ព័ត៌មានឲ្យសមត្ថកិច្ចភ្លាមហើយខាងកម្លាំងសមត្ថកិច្ចក៏បានចុះជួយធ្វើអន្តរាគមន៍ដោយប្រើរថយន្តពន្លត់អគ្គីភ័យចំនួន 4 គ្រឿងផងដែរ។
– សម្ភារៈខូចខាតរួមមានាន:
១. ផ្ទះឈើលើថ្មក្រោមទំហំ ៥មX៧.៥ម ឆេះទាំងស្រុង ។
– ម៉ូតូ scoopy ១ គ្រឿង ម៉ូតូ CLICK ១ គ្រឿង
- ម៉ូតូ cub ១ គ្រឿង
– ម៉ូតូ today ១ គ្រឿង
– កង់ ៣ គ្រឿង និនិងសម្ភារៈដែលនៅក្នុងផ្ទះទាំងអស់ (មិនទាន់ដឹង) ។
*មូលហេតុមិនទាន់ដឹងច្បាស់នៅឡើយទេ ។
